Notices

लुम्बिनी जनरल इन्स्योरेन्सको लाभांश पारित

काठमाडौं । लुम्बिनी जनरल इन्स्योरेन्सले लाभांश पारित गरेको छ । कम्पनीले गत आर्थिक वर्षको मुनाफाबाट प्रस्ताव गरेको ८ दशमलव १२५ प्रतिशत बोनस शेयर आज सम्पन्न १५औं वार्षिक साधारण सभाले पारित गरेको हो।

उक्त साधारणसभाले २० प्रतिशत हकप्रद समेतले पाउने गरी चुक्ता पुँजीको ८ दशमलव १२५ प्रतिशत बोनस शेयर वितरण गर्ने प्रस्ताव पारित गरेको हो । त्यस्तै, कर प्रयोजनको लागि ४२ लाख ९० हजार रुपैयाँ बराबर नगद लाभांश प्रदान गर्ने प्रस्ताव समेत पारित भएको छ । बोनसपछि कम्पनीको चुक्ता पूँजी एक अर्ब १४ करोड १८ लाख रुपैयाँ पुग्नेछ ।

त्यसैगरी, सभाले सञ्चालक समितिको वार्षिक प्रतिवेदन, आर्थिक वर्ष २०७५।०७६ को वासलात, नाफा नोक्सान हिसाव तथा नगद प्रवाह विवरण लगायतका प्रस्तावहरु पारित गरेको छ । सभाले सर्वसाधारण शेयरधनीहरुको समूहबाट गणेश राज रेग्मी र कमल भटृराई आगामी चार बर्षको लागि निर्बिरोध निर्वाचित गरेको छ ।

Source: https://insurancekhabar.com

Vacancy @LGI


Published in The Himalayan Times on 04-09-2019

कामना सेवा विकास बैंक र लुम्बिनी जनरल इन्स्योरेन्सबीच बैंकासुरेन्स सम्झौता

कामना सेवा विकास बैंक (KSBBL) र लुम्बिनी जनरल इन्स्योरेन्सबीच बुधबार बैंकान्स्योरेन्स सम्बन्धी सेवा आदान प्रदान गर्ने गरि सम्झौतापत्रमा हस्ताक्षर भएको छ ।

यस सम्झौता अनुसार अब यस बैंकका ग्राहकहरुले मुलुकभर फैलिएको ६४ वटै शाखाहरुबाट सहज रुपमा लुम्बिनी जनरल इन्स्योरेन्स कम्पनी लिमिटेडको निर्जीबन बीमा पोलिसिहरु खरिद गर्न सक्नेछन्।

सम्झौतासँगै बैंकको व्यवसाय प्रवर्धनमा सहयोग पुग्नुका साथै ग्राहकहरु लाभान्वित हुने बैंकले जनाएको छ ।

सम्झौतापत्रमा कामना सेवा विकास बैंकको तर्फबाट कामु प्रमुख कार्यकारी अधिकृत प्रविण वस्नेत र लुम्बिनी जनरल ईन्स्योरेन्स कम्पनी लिमिटेडको तर्फबाट प्रमुख कार्यकारी अधिकृत नुर प्रकाश प्रधानले हस्ताक्ष्ँर गरेका थिए ।

काठमाडौं –३०, ज्ञानेश्वरमा केन्द्रीय कार्यालय रहेको बैंकले देशका विभिन्न भागहरुमा ६४ वटा शाखा तथा १७ वटा एटीएम मार्फत गा्रहकहरुलाई आफनो सेवाहरु प्रदान गर्दै आएको 
छ ।

source: merolagani.com

"उत्कृष्ट बीमा सेवा, हाम्रो प्रतिवद्धता।"